لكل اخواتي الي في اوكرانيا
معلومات تفيد الناس هناك عشان يرجعو لاهلهم
الي تقدر تفيد الناس هناك عشان يرجعو لاهلهم
اولا باستخدام الخريطة دي تقدر تعرف انت موقعك فين و ايه الأقرب
ليك من الدول المجاورة
مدن الي فيها ضرب جامد خاركوف و كييف
تقدر طبعا تروح روسيا او بيلا روسيا لو هي اقربلك بس الأفضل انك
تروح في المدن الغربية لاوكرانيا زي لفوف و منها تطلع علي دولة زي
بولندا علي الحدود و ترجع بلدك
اولا الحظر في مدينة كييف بيبدأ من الساعة ٥ بالليل لحد تاني يوم
الساعة ٨ بالليل
حاول تتفق مع باص او عربية و تروحو محطة القطر لان دا أمن مكان لاي حد
لانهم مش بيضربوا غير فوق الارض و انت تحت الارض فا متقلقش خالص
بس هتلاقي عدد الناس الي في محطة القطر كتير اوي و الناس بتزق
بعض و هتقعد مدة كبيرة عقبال ما تروح لفوف دا لو انت جاي من كييف او خاركوف
و لكن انت لو في اوديسا او فينتسا فا انت اقربلك مولدافيا
او رومانيا علي حسب الخريطة بص شوف انت فين
اختار مدن الي في الغرب افضلك لان الغرب حاليا مفهاش حرب
اما انت كل ما هتقرب علي مدن الي جنب روسيا كل ما هتلاقي فيها حرب اكتر
لما تروح محطة القطر شوف علي حسب الخريطة ايه اقرب مدينة علي
حدود دولة تانية بالنسبة لموقعك
يعني انت مثلا في دونتسك فانت اقربلك فانت اقربلك تروح اوديسا
بدل ما تروح لفوف و هكذا
اول ما هتوصل المدينة الي انت عايزها قدامك خيارين
اول خيار تشوف باص بيودي الحدود لو انت راجل او ولد فا لازم تشوف باص او عربية
و لكن لو انتي بنت تقدري تروحي بالقطر للدولة الي هي جنبك
اشمعنا ؟
لان الاطفال و الستات و ذوي الاحتياجات الخاصة دول بس الي يقدرو
يروحو عن طريق القطر دولة الي عايزين يهربو عليها
و لكن الرجالة من سن ١٨ لحد سن ٦٠ سنة لازم يروحو بالعربية او باص
بيبقي فيه طريقين في الحدود
طريق للعربيات و طريق للي جايين مشي
سواء انت جاي بالقطر لو بنت او جاي مشي او جاي بعربية او باص غالبا
هتقعد علي الحدود لاي دولة يوم كامل او ازيد كمان علي حسب الدنيا نظامها ايه
الدولة عموما و انت داخل بتقولك انت هتاخد ١٥ يوم و لا هتعمل لجوء
للبلد دي زي بولندا
لو عايز تعمل لجوء هياخدو منك باسبورك و تدخل و يودوك معسكر
مرحبا اللاجئين
و ١٥ يوم فانت لازم تشوف اقرب معاد طيارة ليك و ترجع بلدك
مفيش طيران مباشر من سلوفاكيا لمصر
فا لو رحت في الشمال الغربي افضلك تروح بولندا
و الي يقولك اصل انت مصري او عربي مينفعش تدخل مفيش الكلام
دا كلم سفارتك و هم هيبعتولك واحد يتصرفو
و كمان فودافون عاملين خدمة ان اي حد فودافون عموما في مصر و
اوكرانيا تقدرو تكلمو بعض لمدة ٥ ايام ابتداء من النهارده
و ربنا يحفظ الجميع اتمني اني اكون فدت الناس