مصر تبحث عن طريق  لتكفي احتياجاتها الغذائية

كلمتين_ع_السريع

طبعا كلنا عارفين أن مصر من أوائل الدول اللي بتسورد القمح من

روسيا و اوكرانيا ، لا دا احنا كمان بنستورد اكتر من 65% من استهلاكنا للقمح ،،

و اللي ميعرفش أن استهلاك مصر من القمح وصل في 2021 الي 23،6

مليون طن من القمح ، بننتج منهم في مصر 10,2 مليون طن ، و

ال13,4 مليون طن بيتم استيرادهم من روسيا و اوكرانيا بقيمه 4,7 مليار

دولار يعني في حدود 72,8 مليار جنية متخيل الرقم ! طب ركز معايا بقا

في اللي جاي

مع بدء الغزو الروسي لأوكرانيا الكل سال هنعمل ايه في مشكله القمح ،

و أن ممكن تحصل مشكله في مصر في حاله نقص مخزون القمح لانه

سلعه استراتيجية لا يمكن الاستغناء عنها نهائيا ،،

مصر حاليا و علي لسان وزير التموين قال إن مخزون مصر حاليا يكفي

ل4 شهور قادمه ، بجانب خلال الشهر القادم هيتم الحصول علي

محصول القمح من الفلاحين و أن متوقعين الحصول علي 4,2 مليون

طن من القمح من المزارعين المصريين خلال موسم القمح القادم ، و 3

مليون طن من الأراضي اللي الدولة استصلحتها ،،

الوزير قال ضمن تصريحاته أن الدوله حاليا هتبرم صفقات اضافيه من

القمح من ألمانيا و امريكا و ايطاليا ، لضمان عدم حدوث أي نقص في

القمح ،،

طيب الكلام معناه ايه ؟ معناه أن مصر لازم فعلا في توسيع الرقعه

الزارعية و أنها تكفي احتياجاتها الغذائية من القمح ، طيب احنا فعلا

عملنا كدة و لا الدوله مخدتش خطوة أنها تكفي نفسها ؟

بص يا صديقي من 2015 لحد وقت ما انت بتقرا البوست دا الدوله

شغاله في توسيع الرقعه الزارعية و استصلاح الأراضي الصحراوية و

زراعتها ، بجانب أنها استطاعت انشاء صوامع تخزين للقمح في كافه

انحاء مصر ، و اللي ميعرفش الصوامع دي بتقدر تحافظ علي جودة

المحصول دون تلف لمدة طويلة جدا ،،

طيب تعال نفتكر مع بعض كلمه الرئيس السيسي من يومين أثناء

زيارته للكلية الحربية و قال بالنص أن الدوله استصلحت 250 الف فدان

من الأراضي الصحراوية و تم زراعتهم طبقا لاحدث النظم العالمية و أنه

خلال السنتين القادمتين هيكون إجمالي الأراضي الزراعية اللي تم

استصلاحها مليون فدان و خلال 3 سنين هيتم زراعه مليون و نص فدان ،،

و كمان ضمن تصريحات الرئيس قال إن المستهدف سد احتياجات

الدوله من السلع الاساسية ، طيب انت متخيل مليون و نص فدان هيتم

زراعتهم من القمح عارف دا معناه ايه ؟ معناه أن بعد ما ما كنت

بتسورد 65% من القمح النسبه دي هتقل خااالص و هتبقا في حدود

10-15% بس دا أن مكنش أقل من كدا كمان ،،،

كمان فيه تصريحات سابقة للرئيس قال فيما معناه إننا بنسعي لسد

احتياجاتنا من السلع الاساسية بالكامل و نحقق الاكتفاء الذاتي منها ،،

طيب تخيل معايا كدا لو فعلا الدولة مكنتش اهتمت بتطوير و زيادة

الرقعه الزارعية الوضع كان هيبقى ايه ؟ اكيد كنت هنبقا في مشكلة

كبيرة ، لان زي ما المياة حياة أو موت برضو رغيف العيش بالنسبالنا

حياة أو موت ،،